اصعب حب .........تعبت من الكتمان

[size=25]السلام عليكم ورحمة الله وبركاته

تعبت اكتم عنا قلبي واقول اقدر على الكتمان
احاول ابتسم والقى حنين الشـوق بشجانـي
أقول البارحة ولاّلا وأصبح في غضى النسيان
مقدّر وانكتب فيني فخلّه كـان مـا كانـي
وصادف كل ما حولي من أشجارٍ ومن أركان
يهيّـض هاجـسٍ ماتـت شراعاتـه بربانـي
يذكرني حبيبي اللي سكن في داخل الوجـدان
يذكرنـي ابتساماتـه وزاد الغـم واشقانـي
أشوف الهم في دربي مشعشع نـوره وهيمـان
وأشوف الدمع أنهـارٍ علـى خـدٍ لبنيانـي
أحبـه كلمـةٍ والله قليلـة بكفـة الميـزان
متيم بالتراب اللـي عليـه امشـى وولهانـي
إلى منّه طرى في خاطري وفجئه ظهر لي وبان
أقوم اممجدٍ قـدره وأضمـه بيـن أحضانـي
أموت بنظرةٍ منك وأحيا يا عظيـم الشـان
ملكت النبض في قلبي دَمَك يجـري بشريانـي
أحبك أعشقك أهواك يشهـد ربـيَ الرحمـن
وعمري من بدايا العمر فدوه وكـل أزمانـي
ولكن الزمن عيّـا تطـول آخـوة الخـلان
خذوه أهله من أحياتي وأنا للمـوت لهفانـي
أونّ بونتة الممسوس مسّـه مـاردٍ شيطـان
أشاطر ليلي في سهْره وأنا مقوي وعطشانـي
هجرت النوم الين النوم هجرني وغفوة النعسان
أدور للخليل اللي عطانـي حـب وروانـي
ترى في هالزمن قله تلاقي من عـلا انسـان
وكلٍ يدعـي وصـلٍ بليلـه دون حرمانـي
عجزت القى مكانه حدْ يبدّد ماضيّ الأحزان
يهلّ أهلاليَ اليأس يشبّ الـروح مـن ثانـي
ألا يا كيف أوصله بلا درب وبـلا عنـوان
وأصعب حب في الدنيا تجلى بـدون عنوانـي

تحيات الجنتل[/size]